ប្រភពពីហ្សកដានីថា នៅទីនោះត្រជាក់ដល់ ១០អង្សាតែកីឡាករហាក់មិនអី
ប្រភពដ៏គួរឲ្យទុកចិត្តម្នាក់ពីប្រទេសហ្សកដានីថានៅថ្ងៃទី២៤ ខែមីនា ឆ្នាំ២០១៧ នេះ សីតុណ្ហភាពនៅទីនោះត្រជាក់ខ្លាំងរហូតដល់១០អង្សាសេ ប៉ុន្តែកីឡាករជម្រើសជាតិកម្ពុជាទាំងអស់គ្មានបញ្ហាអ្វីឡើយ។
ក្រុមជម្រើសជាតិកម្ពុជាបានចេញដំណើរពីប្រទេសកំណើតទៅទឹកដីប្រទេសហ្សកដានី កាលពីថ្ងៃទី២៣ ខែមីនា ឆ្នាំ២០១៧ ម្សិលមិញនេះ។ ការប្រកួតរវាងប្រទេសទាំងពីរ នឹងចាប់ផ្ដើមម៉ោង ១១:០០ យប់(ម៉ោងនៅកម្ពុជា) នៃកម្មវិធីប្រកួតវគ្គជម្រុះ AFC Asian Cup 2019 នៅកីឡដ្ឋាន Amman International Stadium ដែលអាចផ្ទុកអ្នកទស្សនាបានចំនួន ២៥ ០០០នាក់។
កីឡាករដែលទៅប្រទេស ហ្សកដានី រួមមាន អ៊ុំ សេរីរត្នន៍, កែវ សុខសិលា, អោម ឧត្តម, ណុប តុលា, ឆោម ពិសា , សឿយ វិសាយ , សរ ពិសិដ្ឋ, សឿត បារាំង , ពុំ តុលា, រស់ សំអឿន , សំអឿន ពិដោរ , ប៊ិន ធារី , ហូយ ផល្លីន, ច្រឹង ពលរដ្ឋ, សុះ ស៊ូហាណា , ទិត្យ ឌីណា , ប្រាក់ មុន្នីឧត្តម , ចាន់ វឌ្ឍនាកា , អុល រ៉ាវី , ឃួន ឡាបូរ៉ាវី , កែវ សុខផេង , ឆេង ម៉េង និង សួង វិរៈ៕
0 comments: