ស្មាតហ្វូនកាមេរ៉ាមុខភ្លោះពីរគ្រាប់ Oppo F3/F3 Plus បង្ហាញខ្លួនជាផ្លូវការ
មុននេះបន្តិចក្រុមហ៊ុន Oppo របស់ប្រទេសចិន ទើបតែបានដាក់បង្ហាញជាផ្លូវការនូវស្មាតហ្វូនជំនាន់ឆ្នាំ ២០១៧ ចំនួនពីរម៉ូដែលទៀតរួមមាន F3 និង F3 Plus។ ចំណុចដ៏គួរឱ្យចាប់អារម្មណ៍បំផុតរបស់ស្មាតហ្វូនខាងលើ គឺទាក់ទងនឹងការបំពាក់កាមេរ៉ាមុខភ្លោះពីរគ្រាប់តែម្តង ដោយនៅតែចង់រក្សាកេរ្តិ៍ឈ្មោះជាអ្នកឯកទេស Selfie ដដែល។
F3 Plus ត្រូវបានគេដឹងថា បានបំពាក់នូវអេក្រង់ទំហំ ៦ អ៊ីញប្រភេទ IPS LCD (1080p) ដោយប្រើនូវឈីប Snapdragon 653 របស់ Qualcomm គួបផ្សំនឹងទំហំ RAM 4GB ហើយអង្គចងចាំ 64GB។ បន្ថែមពីនោះវាក៏មានថាមពលថ្មទំហំ 4,000mAh ដំណើរការជាមួយមុខងារសាកថ្មរហ័ស VOOC Fast Charging នៅលើ Android 6.0 (Marshmallow) និង ColorOS 3.0 ។
ចំពោះផ្នែកកាមេរ៉ាមុខ ២ គ្រាប់របស់វាគឺមួយគ្រាប់មានទំហំ 16 MP ដែលមាន Aperture f2.0 និងមួយគ្រាប់ទៀតទំហំ 8MP។ មុខងារពិសេសរបស់កាមេរ៉ារបស់ក្រុមហ៊ុន OPPO ក៏បានបញ្ចូលនូវបច្ចេកវិទ្យា Beautify 4.0 ដែលជំរុញឱ្យការថតរូបទទួលបានលទ្ធផលកាន់តែល្អ ខណៈដែលជំនាន់ថ្មីនេះក៏មានមុខងារថតរូបព្រាលស្រដៀងទៅនឹង iPhone 7 Plus ផងដែរ។
តម្លៃរបស់ Oppo F3 Plus ត្រូវបានគេដឹងថានឹងដាក់លក់ក្នុងតម្លៃប្រមាណ ៤៧៣ ដុល្លារ ហើយមានលក់ក្នុងទីផ្សារឥណ្ឌានា**ថ្ងៃទី ១ មេសា**ខាងមុខនេះ។
0 comments: