សង្គ្រាមពាក្យសម្តីរវាងកូរ៉េខាងជើង និងសហរដ្ឋអាមេរិក កាន់តែក្តៅខ្លាំង (វីដេអូ)

១- សង្គ្រាមពាក្យសម្តីរវាងកូរ៉េខាងជើង និងសហរដ្ឋអាមេរិក កាន់តែក្តៅខ្លាំង សង្គ្រាមពាក្យសម្តី រវាងរដ្ឋាភិបាលទីក្រុងព្យុងយ៉ាង និងវ៉ាស៊ីងតោន បានឈរដល់ចំណុចខ្ពស់បំផុតមួយមិន ធ្លាប់​​មាន បន្ទាប់ពីរដ្ឋមន្ត្រីការបរទេសអាមេរិក Rex Tillerson បានធ្វើដំណើរទស្សនកិច្ចទៅកាន់​ប្រទេស​ជប៉ុន កូរ៉េខាងត្បូង និងចិន ក៏ដូចជាការសាកល្បងម៉ាស៊ីនកម្រិតខ្ពស់ សម្រាប់ជំនួយគ្រាប់មីស៊ីលឆ្លង​ទ្វីប​កូរ៉េ​ខាង​ជើង កាលពីថ្ងៃអាទិត្យ។ ២- វិសោធនកម្មច្បាប់ Obamacare ធ្វើឲ្យផ្ទុះសង្រ្គាមក្នុងបក្សសាធារណៈរដ្ឋ ដើម្បីធ្វើតាមពាក្យសន្យា អំឡុងពេលបោះឆ្នោត លោក Donald Trump កាលពីសប្តាហ៍មុន បានចាប់​ផ្តើម​បោះ​ឆ្នោត ធ្វើវិសោដនកម្មច្បាប់សុខមាលភាព ដែលមានឈ្មោះលោក អូបាម៉ា ជាអ្នកផ្តួចផ្តើម ប៉ុន្តែបែរ​ជា​បរាជ័យ ក្រោយមានការខ្វែងគំនិតគ្នា ទាំងជាមួយបក្សប្រជាធិបតេយ្យ ដែលជាភាគីប្រឆាំង ក៏ដូចជាសមាជិក​ក្នុង​​បក្សរបស់ខ្លួន មិនពេញចិត្តការទាមទារឲ្យមានកំណែរទម្រង់ ក្នុងកម្មវិធីសុខមាលភាព Obamacare។ ៣- ការវាយប្រហារ ដោយបើកឡានបុកមនុស្ស នៅអង់គ្លេស សម្លាប់មនុស្ស ៥នាក់ កាលពីថ្ងៃពុធ មនុស្សយ៉ាងហោចណាស់ ៥នាក់ បានស្លាប់ និងច្រើនជាង ៤០នាក់ផ្សេងទៀតរងរបួស ក្នុង​ការ​​​វាយ​ប្រហារ ដោយបើករថយន្តបំបុកហ្វូងមនុស្ស និងមានការចាក់ទៅប៉ូលិសម្នាក់ របស់សភាជាតិ​អង់គ្លេស​។ ការវាយប្រហារនេះ ត្រូវចាត់ទុក ជាការវាយប្រហារសម្លាប់រង្គាល់ធ្ងន់ធ្ងរបំផុត ក្នុងទីក្រុងឡុងដ៏ ចាប់តាំង​ពី​មាន​ការវាយប្រហារបំផ្ទុះគ្រាប់បែកអត្តឃាត សម្លាប់មនុស្ស ៥២ឆ្នាំ កាលពីឆ្នាំ២០០៥មក។ (វីដេអូ) ព័ត៌មានទាំងបីខាងលើ ជាព្រឹត្តិការណ៍សន្តិសុខនយោបាយពិភពលោក សម្រាប់សប្តាហ៍នេះ ដែលមានផ្សាយ​លើ​ផេក ៣០ដេលី៕ វីដីអូ

SHARE THIS